Consellería de Infraestruturas e Movilidade

CMATI

|
|
|
Compartir

A Xunta realiza actuacións de conservación e de limpeza nos treitos interurbanos de tres regos no concello de Carballo

Os traballos lévanse a cabo no rego do Monte Neme, de Oza e da Barcia

Os treitos obxecto das intervencións suman unha lonxitude de case 5 km

As tarefas céntranse na roza selectiva e na retirada de árbores e pólas caídas para evitar atoamentos na canle

O departamento que preside Ethel Vázquez mantén activas as accións para a mellora dos leitos fluviais e para favorecer as condicións naturais do ecosistema dos ríos
 

Santiago de Compostela, 7 de xullo de 2022.- A Consellería de Infraestruturas e Mobilidade, a través de Augas de Galicia, está a executar actuacións de conservación e de limpeza nos treitos interurbanos dos regos do Monte Neme, de Oza e da Barcia, ao seu paso polo concello de Carballo.

 

Os treitos nos que se están levando a cabo estas tarefas suman unha lonxitude de case 5 quilómetros. As intervencións céntranse na roza selectiva e na retirada de árbores e pólas caídas na canle para evitar atoamentos.

 

As tarefas céntranse na roza selectiva e na retirada de árbores e pólas caídas na canle para evitar atoamentos. Unha vez finalizadas estas actuacións, os ríos quedarán despexados de maleza, posibilitando así a circulación fluída das súas augas.

 

Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia-Costa, no ámbito territorial da zona Galicia-norte e nas súas zonas de acceso e protección.

 

O departamento que preside Ethel Vázquez mantén activas as actuacións para a mellora dos leitos fluviais e para favorecer as condicións naturais do ecosistema dos ríos.