Consellería de Infraestruturas e Movilidade

CMATI

|
|
|
Compartir

A Xunta executa actuacións de conservación e limpeza no treito interurbano do río Pexegueiro, no concello de Redondela

Os traballos de mantemento están a desenvolverse no tramo do ríos ao seu paso polos lugares do Camiño do Val do Muiño e Camiño de Ganga, na parroquia do Viso

As actuacións de Augas de Galicia consisten na retirada de árbores e pólas caídas sobre a canle, así como de masas localizadas de especies invasoras

A Consellería de Infraestruturas e Mobilidade persegue a mellora dos leitos fluviais e favorecer as condicións naturais do ecosistema dos ríos

Santiago de Compostela, 1 de marzo de 2020.- A Consellería de Infraestruturas e Mobilidade, a través de Augas de Galicia, está a executar actuacións de limpeza de conservación no tramo interurbano do río Pexegueiro, no municipio de Redondela.

Estes traballos de mantemento e conservación están a desenvolverse ao paso deste río polos lugares do Camiño do Val do Muiño e Camiño de Ganga, na parroquia do Viso.

As actuacións lévanse a cabo nos treitos interurbanos deste río e céntranse na retirada de árbores e pólas caídas e madeira morta na canle e roza selectiva de masas localizadas de especies invasoras. Unha vez finalizadas estas actuacións, os ríos quedarán despexados de maleza, posibilitando así a circulación fluída das súas augas.

Estas accións se enmarcan no programa de mantemento de Augas de Galicia, conservación e mellora do dominio público hidráulico das bacías de Galicia-Costa, no ámbito territorial da zona Galicia-Sur e as súas zonas de acceso e protección.

Este tipo de traballos da administración hidráulica da Xunta permiten a mellora dos leitos fluviais para acadar condicións naturais do ecosistema dos ríos.