A execución de calquera obra ou traballo en zona de protección de leitos precisará autorización administrativa previa do organismo de conca, sen prexuízo dos supostos especiais regulados na normativa vixente.
En situacións de emerxencia poderán realizarse traballos de protección de carácter provisional nas marxes dos leitos, sendo responsables dos danos eventuais que puideran derivarse os propietarios que as construíran. A realización destes traballos deberá poñerse en coñecemento de Augas de Galicia no prazo dun mes para resolver sobre a súa legalización ou demolición.